សូមស្វាគមនន៍មកកាន់ខេត្តកោះកុង ជាខេត្តមួយក្នុងចំណោមខេត្តជាប់ឆ្នេរសមុទ្រទាំងបួនរបស់ព្រះរាជាណាចក្រកម្ពុជា។ មានផ្ទៃដីសរុបជាង ១០ ម៉ឺនគីឡូម៉ែតការ៉េ ខេត្តកោះកុងត្រូវបានបែងចែកជាស្រុកចំនួន៦ ក្រុង​ ១ ឃុំ ២៦ សង្កាត់ ៣ និងភូមិចំនួន ១១៩។ ខេត្តកោះកុងមានប្រជាជនសរុបជាង ១៥ ម៉ឺននាក់ និងមានដង់ស៊ីតេ ប្រជាជនត្រឹមតែ ១៤ នាក់ក្នុងមួយគីឡូម៉ែតការ៉េប៉ុណ្ណោះ។ ប្រជាជនប្រមាណ ៦០% ជាកសិករពឹងផ្អែកលើវិស័យកសិកម្មដែលជាវិស័យចម្បងមួយរបស់ខេត្ត និងប្រមាណ ៣៨% បំពេញការងារក្នុងវិស័យសេវាកម្ម។ ទិន្នផលកសិកម្មចម្បងៗរួមមានចម្ការដំណាំហូបផ្លែដូចជា ធូរ៉េន, សាវម៉ាវ, ចេក, ល្ហុង, ដូង និងដំណាំកសិឧស្សាហកម្មដូចជា កៅស៊ូ, ម្រេច, ស្វាយ, មាន និងអំពៅជាដើម។ ពោរពេញទៅដោយធនធានធម្មជាតិ និងជីវចម្រុះដ៏សំបូរបែប ខេត្តកោះកុងមានឆ្នេរសមុទ្រសរុប ២១៧ គីឡូម៉ែត្រ ស្មើនឹងជាង ៥០% នៃឆ្នេរសមុទ្ររបស់កម្ពុជាទាំងមូល។