ចែករំលែកនៅលើ
ទិដ្ឋភាពទូទៅខេត្តកែប
គោលបំណងអភិវឌ្ឍ
ខេត្តកែបកំពុងបង្កើតអត្តសញ្ញាណទេសចរណ៍ពិសេសមួយដោយលាយបញ្ចូលភាពទាក់ទាញតាមឆ្នេរជាមួយនឹងសុខុមាលភាព, បទពិសោធន៍បរិស្ថាន និងភាពពិតប្រាកដនៃវប្បធម៌។ តាមរយៈការធ្វើឱ្យប្រសើរឡើងនូវហេដ្ឋារចនាសម្ព័ន្ធ, ពង្រីកផ្លូវទេសចរណ៍ និងការអភិវឌ្ឍការផ្តល់សេវាកម្មទេសចរណ៍លំដាប់ខ្ពស់ ខេត្តនេះត្រូវបានកំណត់ឱ្យក្លាយទៅជាគោលដៅដ៏លេចធ្លោសម្រាប់វិស័យទេសចរណ៍ពេញតំបន់ ដែលមានចីរភាព និងទាក់ទាញជីវិតប្រចាំថ្ងៃ។ ទីតាំងយុទ្ធសាស្ត្ររបស់ខ្លួននៅជិតប្រទេសវៀតណាម និងការធ្វើសមាហរណកម្មដ៏រឹងមាំទៅក្នុងច្រករបៀងទេសចរណ៍ឆ្នេរភាគខាងត្បូងក៏ផ្តល់ឱ្យវិនិយោគិននូវឱកាសចូលដល់ទីផ្សារឆ្លងព្រំដែន និងការតភ្ជាប់ក្នុងតំបន់ ដើម្បីបង្កើនសក្តានុពលការលូតលាស់រយៈពេលវែង។
វិស័យអាទិភាព
ខេត្តកែបកំពុងប្រែក្លាយទៅជាគោលដៅឆ្នេរលំដាប់ខ្ពស់ ដោយប្រើប្រាស់ឆ្នេរសមុទ្រដ៏ស្រស់ស្អាត, ឧទ្យានជាតិ និងអាកាសធាតុដ៏សមស្រប ដើម្បីអភិវឌ្ឍកន្លែងសម្រាកស្នាក់នីបែបប្រណីតភាព, កម្សាន្តតាមឆ្នេរសមុទ្រ និងកសិ-ទេសចរណ៍។ ក្នុងភាពជាដៃគូជាមួយខេត្តកំពត ខេត្តនេះ កំពុងបង្កើតគន្លងទេសចរណ៍ដែលតភ្ជាប់ជាមួយកោះនៅក្បែរៗនោះ។ ខេត្តកែបក៏ផ្តល់តម្លៃពិសេសក្នុងវិស័យកសិកម្មបែបបូទិក ដែលមានលក្ខណៈច្នៃប្រឌិត និងប្លែក, ផលិតម្រេចលំដាប់ខ្ពស់, អំបិលសមុទ្រ, អាហារសមុទ្រ និងផ្លែឈើត្រូពិច។ ជាមួយនឹងការកែលម្អហេដ្ឋារចនាសម្ព័ន្ធ និងការចូលទៅកាន់មជ្ឈមណ្ឌលកែច្នៃ ខេត្តកែបគឺជាគោលដៅដ៏ល្អឥតខ្ចោះសម្រាប់វិនិយោគិនដែលកំពុងស្វែងរកកំណើនប្រកបដោយនិរន្តរភាព ជំរុញដោយបទពិសោធន៍ក្នុងវិស័យទេសចរណ៍ និងខ្សែសង្វាក់តម្លៃកសិផល។
គម្រោងអាទិភាព
គម្រោងអាទិភាពចំនួន ៦ របស់ខេត្តកែប ជួយជំរុញកំណើនឆ្នេរសមុទ្រប្រកបដោយនិរន្តរភាព។ មជ្ឈមណ្ឌលជំនាញ និងការសិក្សាថ្មីមួយនឹងពង្រឹងសមត្ថភាពក្នុងស្រុកក្នុងវិស័យទេសចរណ៍, កសិកម្ម និងសហគ្រិនភាព ដោយផ្តោតលើយុវជន និងស្ត្រី។ ច្រករបៀងឆ្នេរបៃតងនឹងស្តារឡើងវិញនូវព្រៃកោងកាង, ការពារជីវចម្រុះ និងគាំទ្រដល់អេកូទេសចរណ៍។ គម្រោងទាំងនេះរួមគ្នាកសាងធនធានមនុស្ស, បង្កើនសមត្ថភាពធន់នឹងអាកាសធាតុ និងកំណត់ខេត្តកែបឱ្យក្លាយទៅជាគំរូសម្រាប់ការអភិវឌ្ឍដែលទទួលរងផលប៉ះពាល់ទាប និងដឹកនាំដោយសហគមន៍។
ការលើកទឹកចិត្តវិនិយោគ
ជាផ្នែកមួយនៃផែនការមេអភិវឌ្ឍខេត្តជាប់ឆ្នេរសមុទ្រកម្ពុជា ការវិនិយោគនៅខេត្តកោះកុងអាចទទួលបានការលើកទឹកចិត្តក្រោមច្បាប់ស្តីពីវិនិយោគនៃព្រះរាជាណាចក្រកម្ពុជា ក្នុងគោលបំណងលើកទឹកចិត្តឱ្យមានការចូលរួមពីវិស័យឯកជន និងជំរុញកំណើនសេដ្ឋកិច្ចប្រកបដោយចីរភាពនៅក្នុងតំបន់។
ស្វែងយល់អំពីឱកាសវិនិយោគនៅក្នុងខេត្តផ្សេងទៀត
ខេត្តព្រះសីហនុ
ទេសចរណ៍
ឧស្សាហកម្មកែច្នៃផលិតផលកសិកម្មនិងម្ហូបអាហារទំនើប
វិស័យកម្មន្តសាលបច្ចេកវិទ្យាខ្ពស់
ខេត្តព្រះសីហនុ ដែលជាផ្កាយរះនៃទិសនិរតី ដែលជាខេត្តជាប់មាត់សមុទ្រដែលរីកលូតលាស់លឿនបំផុត និងជាច្រកទ្វារដ៏សំខាន់ទៅកាន់ទីផ្សារអន្តរជាតិរបស់កម្ពុជា។ ខេត្តព្រះសីហនុ មានផ្ទៃដីសរុប ២,៦៥៩ គីឡូម៉ែត្រការ៉េ មានប្រជាជនជាង ២៣ម៉ឺននាក់ និងដង់ស៊ីតេប្រជាជន ១១៦នាក់ ក្នុងមួយគីឡូម៉ែត្រការ៉េ។
ទេសចរណ៍ធម្មជាតិ
ថាមពលបៃតង
កម្មន្តសាលនិងពាណិជ្ជកម្មឆ្លងព្រំដែន
ខេត្តកោះកុង ជាខេត្តមួយក្នុងចំណោមខេត្តជាប់ឆ្នេរសមុទ្រទាំងបួនរបស់ព្រះរាជាណាចក្រកម្ពុជា។ មានផ្ទៃដីសរុបជាង ១០ ម៉ឺនគីឡូម៉ែតការ៉េ ខេត្តកោះកុងត្រូវបានបែងចែកជាស្រុកចំនួន៦ ក្រុង ១ ឃុំ ២៦ សង្កាត់ ៣ និងភូមិចំនួន ១១៩។ ខេត្តកោះកុងមានប្រជាជនសរុបជាង ១៥ ម៉ឺននាក់ និងមានដង់ស៊ីតេ ប្រជាជនត្រឹមតែ ១៤ នាក់ក្នុងមួយគីឡូម៉ែតការ៉េ។
ទេសចរណ៍
កសិឧស្សាហកម្ម
ឧស្សាហកម្មចម្រាញ់ប្រេងនិងគីមីឥន្ធនៈ
ខេត្តកំពត ជាខេត្តមួយក្នុងចំណោមខេត្តជាប់ឆ្នេរសមុទ្រទាំងបួនរបស់ព្រះរាជាណាចក្រកម្ពុជា។ ខេត្តកំពតមានផ្ទៃដីសរុបជាង ៤.៩ ពាន់គីឡូម៉ែតការ៉េ បែងចែកជាស្រុកចំនួន ៧ ក្រុង ២ ឃុំ ៨៥ សង្កាត់ ៨ និងភូមិចំនួន ៤៩១ កោះចំនួន ៣ និងមានឆ្នេរសមុទ្រសរុប ៦៦,៥ គីឡូម៉ែត្រ ។ ខេត្តកំពតមានប្រជាជនសរុបជាង ៧២ ម៉ឺននាក់ និងមានដង់ស៊ីតេប្រជាជន ១៥០ នាក់ក្នុងមួយគីឡូម៉ែតការ៉េ។
