ខេត្តជាប់ឆ្នេរសមុទ្រកម្ពុជាកំពុងក្លាយជាព្រំដែនកំណើនថ្មីរបស់ប្រទេស ដែលមានទីតាំងយុទ្ធសាស្ត្រ តម្លៃប្រកួតប្រជែង និងទទួលបានការលើកទឹកចិត្តដ៏ច្រើនបំផុតនៅអាស៊ី។ នេះគឺជាកន្លែងដែលឧស្សាហកម្មចាប់ផ្តើមពីវិស័យកាត់ដេររហូតដល់អេឡិចត្រូនិច, ពីកសិឧស្សាហកម្ម ដល់ឡូជីស្ទីក ដែលកំពុងបង្កើតជាវេទិកាកំណើនថ្មីបន្ទាប់។

ដោយមានការគាំទ្រពីច្បាប់វិនិយោគឆ្នាំ ២០២៣ និងប្រព័ន្ធគ្រប់គ្រងតែមួយ ថ្មីរបស់កម្ពុជា ការបង្កើតអាជីវកម្មនៅកម្ពុជាកាន់តែមានភាពឆាប់រហ័ស និងងាយស្រួលជាងមុន។ អាជីវកម្មរបស់លោកអ្នកអាចចុះបញ្ជីបានក្នុងរយៈពេលត្រឹមតែប្រាំបីថ្ងៃប៉ុណ្ណោះ។ បន្ទាប់មកលោកអ្នកអាចស្នើសុំគម្រោងវិនិយោគមានលក្ខណៈសម្បត្តិគ្រប់គ្រាន់ (គ.ល.គ.) ដើម្បីទទួលបានការរលើកលែងពន្ធពី ៣ ទៅ ៩ ឆ្នាំ, ការនាំចូលរួចពន្ធ និងការធានាផ្នែកច្បាប់យ៉ាងរឹងមាំលើការផ្ទេរប្រាក់ចំណេញ, ការការពារសិទ្ធិបញ្ញា​ (IP) និងកម្មសិទ្ធិដីធ្លី។

រួមគ្នាជាមួយនឹងតម្លៃចំណាយដែលមានការប្រកួតប្រជែងខ្ពស់, ប្រាក់ខែកម្មករចាប់ពី ២៥០ ដុល្លារអាម៉េរិក ក្នុងមួយខែ និងថ្លៃអគ្គិសនី ០,១៣៧ ដុល្លារអាម៉េរិក ក្នុងមួយ kWh, បូករួមទាំងពន្ធគយមដែលមានប្រសិទ្ធភាព និងវិញ្ញាបនបត្របញ្ជាក់ប្រភពដើមដែលធានាបាននូវការបញ្ចុះអត្រាពន្ធគយក្រោមកិច្ចព្រមព្រៀងអាស៊ាន, RCEP និងកិច្ចព្រមព្រៀងពាណិជ្ជកម្មសេរី (FTAs)៖ ​ កិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន (CCFTA) និង កិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-កូរ៉េខាងត្បូង (CKFTA), ប្រទេសកម្ពុជាត្រូវបានកំណត់ឱ្យក្លាយជាគោលដៅវិនិយោគដ៏សំខាន់បន្ទាប់របស់អាស៊ី។ វិនិយោគិនក៏ទទួលបានអត្ថប្រយោជន៍ពីកម្លាំងពលកម្មវ័យក្មេង និងសម្បូរបែប និងការធ្វើឱ្យប្រសើរឡើងនូវហេដ្ឋារចនាសម្ព័ន្ធដោយមានការគាំទ្រពីរដ្ឋាភិបាល ដែលកំពុងពង្រឹងការតភ្ជាប់យ៉ាងឆាប់រហ័សពីមជ្ឈមណ្ឌលឆ្នេរសមុទ្រទៅកាន់ទីផ្សារពិភពលោក។ ជាមួយនឹងស្ថេរភាព សន្ទុះនៃកំណើន និងអត្ថប្រយោជន៍របស់អ្នកដែលចាប់ផ្តើមមុន កម្ពុជាមិនត្រឹមតែផ្តល់ឱកាសចូលទៅកាន់ទីផ្សារដែលមានចំណាយទាបប៉ុណ្ណោះទេ ថែមទាំងជាវេទិកាអនាគតរយៈពេលវែងសម្រាប់ពង្រីកអាជីវកម្មទូទាំងអាស៊ី  និងលើសពីនោះទៀត។

សៀវភៅការធ្វើអាជីវកម្មនៅកម្ពុជា៖ បង្ហាញនូវសក្ដានុពលនៃការវិនិយោគនៅក្នុងខេត្តជាប់ឆ្នេរសមុទ្រ គឺជាផែនទីបង្ហាញផ្លូវឆ្ពោះទៅកាន់ឱកាសពិសេសសម្រាប់អ្នក  ពោរពេញទៅដោយនីតិវិធីជាដំណាក់កាលពីជំហានមួយទៅជំហានមួយ, ទំនាក់ទំនងផ្ទាល់ជាមួយរដ្ឋាភិបាល រួមទាំងការយល់ដឹងអំពីគោលនយោបាយ ដើម្បីជួយដល់លោកអ្នកក្នុងការចាប់ផ្តើម និងពង្រីកអាជិវកម្មដោយមានទំនុកចិត្ត។ មិនថាលោកអ្នកកំពុងស្វែងរកឱកាសដំបូង ឬកំពុងរៀបចំផែនកាពង្រីកអាជីវកម្មធំក៏ដោយ សៀវភៅណែនាំនេះនឹងផ្តល់ឱ្យលោកអ្នកនូវភាពច្បាស់លាស់ និងជាឧបករណ៍ចាំបាច់ដើម្បីចាប់យកឱកាសមុនគេ។ ចាប់ផ្តើមពីទីនេះ ទាញយកសៀវភៅណែនាំ និងទទួលបានអត្ថប្រយោជន៍មុនគេ។